ବିଶ୍ୱ ଐତିହ୍ୟ ଦିବସ
ଆଜି ଏପ୍ରିଲ ୧୮, ବିଶ୍ୱ ଐତିହ୍ୟ ଦିବସରେ ସମସ୍ତଙ୍କୁ ଅନେକ ଅନେକ ଅଭିନନ୍ଦନ 🙏🙏
ମୋ ଓଡିଶା
ଐତିହ୍ୟର ଗନ୍ତାଘର,
ସଂସ୍କୃତି, ସାହିତ୍ୟ କଳା
ସ୍ଥାପତ୍ୟର ସମାହାର ।।
ଓଡ଼ିଶାର ଐତିହ୍ୟରେ
ଜଗନ୍ନାଥ ଚେତନା,
ସ୍ନେହ, ପ୍ରେମ, ଭାତୃଭାବ
ସନାତନୀ ଭାବନା ।।
ଐତିହ୍ୟର ଗନ୍ତାଘର,
ସଂସ୍କୃତି, ସାହିତ୍ୟ କଳା
ସ୍ଥାପତ୍ୟର ସମାହାର ।।
ଓଡ଼ିଶାର ଐତିହ୍ୟରେ
ଜଗନ୍ନାଥ ଚେତନା,
ସ୍ନେହ, ପ୍ରେମ, ଭାତୃଭାବ
ସନାତନୀ ଭାବନା ।।
କେତେ ମିଠା ଭାଷା ମୋର
ତେର ଶହ ବର୍ଷର,
ପ୍ରାଚୀନତମ ଭାଷାଟି
ସ୍ୱତନ୍ତ୍ର, ଉଚ୍ଚ କୋଟିର ।।
ସ୍ଥାପତ୍ୟ,ଭାସ୍କର୍ଯ୍ୟଆଉ
ଚିତ୍ର କଳାରେ,
ରାଜ୍ୟ ମୋ ଭରପୁର
ନାନା ରୂପ ରେ ।।
ବୌଦ୍ଧ ସ୍ତୁପ, ଚୈତ୍ୟ ଗୃହ
ଦୁର୍ଗ ମଠ ମନ୍ଦିର,
କୋଣାର୍କର କୀର୍ତ୍ତିରାଜି
ଭବ୍ୟତା କି ସୁନ୍ଦର !!
ଓଡ଼ିଶାର ଗୀତ, ନୃତ୍ୟ
ବାଦ୍ୟ ତାଳେ ତାଳେ,
ଚକୁରିଆ ପଣ୍ଡା ସୁରେ
ଜିଇଁବାର ସ୍ରୋତ ମିଳେ ।।
ମୋ ରାଇଜ ହାତ କାମ
ନାହିଁ ଯା'ର ତୁଳନା,
ବୟନ କଳା କୁ କୁହ
କି ଦେବା ଗୋ ଉପମା ?
କଟକ ରୂପା ତ।ରକସି
ପିପିଲିର ଚାନ୍ଦୁଆ,
ସମ୍ବଲପୁରୀ ପାଟ ସହ
ବୋମକେଇ ସୋନପୁରିଆ ।।
ଖୋର୍ଦ୍ଧା ଜିଲ୍ଲା ନାଲି ଗାମୁଛା
ବୀରତ୍ୱର ଚି଼ହ୍ନଟିଏ,
ବ୍ରହ୍ଣପୁର ମଠା ଶାଢ଼ୀ
ପବିତ୍ରର ଗୀତ ଗାଏ ।।
କଳିଙ୍ଗର ପୁତ୍ର ଗଣ
ମେଲାନ୍ତି ଯେବେ ବୋଇତ,
ଜାଭା, ବାଲି,ସୁମିତ୍ରା କୁ ଯାଇ
ହୀରା ନୀଳା ଆଣନ୍ତି ବହୁତ ।।
ମୁଣ୍ଡ ଝାଳ ତୁଣ୍ଡେ ମାରି
ମୋ କୃଷକ ଭାଇ,
ଆହାର ଯୋଗାଇ ଥାଏ
ଖରା ତରା ସହି ।।
ବିଜ୍ଞାନ ପ୍ରଜ୍ଞାନ କ୍ଷେତ୍ର
ଆଧ୍ୟାତ୍ମିକ ପୀଠ ଟିଏ
ଭକ୍ତି, ଭାବ ଆବେଗ ଭରା
ପ୍ରେରଣାର ସ୍ରୋତ ଟିଏ ।।
ବାର ମାସେ ତେର ପର୍ବ
ପାଳନ ହୁଅଇ,
ଗଣ ଦେବ ଜଗନ୍ନାଥ
ନିଜେ ପାଳୁଥାଇ ।।
ମୋ ମାଆ ବୀର ପ୍ରସବିନୀ
ଯୋଦ୍ଧା ଙ୍କ ଜନ୍ମଭୂମି,
କ୍ରାନ୍ତି ବିପ୍ଳବର ଧାମ
ତ୍ୟାଗ ଓ ତପୋଭୂମି ।।
ଏପରି ସୁନା ରାଇଜ
ଅନ୍ୟତ୍ର କି ଅଛି ?
ତୁ,କେତେ ଜନମର ପୁଣ୍ୟ
(ମାଆ )ତୋତେ ମୁଁ ଲଭିଛି ।।