.
*🔥କରୋନାରୋଗୀ କେଉଁଦଳର ?🔥*
*✍ଅରବିନ୍ଦଦାସ*
➖➖➖➖➖➖➖➖➖➖➖
*-ଆରେ ନାରଣ,କରୋନା ରୋଗୀ ସବୁ କେଉଁ ଦଳ'ର?"ପଚାରିଲେ ସୁରେନ୍ଦ୍ରବାବୁ।*
*ବାପାଙ୍କ କଥାଶୁଣି ନାରଣ ବାବୁ ଟିକେ ଆଶ୍ଚର୍ଯ୍ୟ ହୋଇ ଅନାଇ କହିଲେ,*
*-କେଉଁ ଦଳର ମାନେ ?"ପାନ ଚୋବାଉ ଚୋବାଉ ସୁରେନ୍ଦ୍ର ବାବୁ କହିଲେ,*
*-ଏତିକି ବୁଝି ପାରୁନୁ ?କିରେ ନିର୍ବାଚନ ରାଲି,ସଭାରେ ବିଭିନ୍ନ ଦଳ ନିଜ ସମର୍ଥକ ଲୋକଙ୍କୁ ଗାଡି,ମଟର, ଟ୍ରକ,ବସ ରେ ବୁହାଇ ବଡ଼ ନେତାଙ୍କ ସଭାକୁ ବୋହି ନିଅନ୍ତି।ଖାଇବା ସହ ଟଙ୍କା ବି କାଳେ ଦିଅନ୍ତି।"*
*-ହଁ,ତେବେ ଏଥିରେ ନୂଆ କଥା କଣ ?ଆପଣ କଣ କହିବାକୁ ଚାହାନ୍ତି ?"*
*-ଏଇନା କରୋନା ଆକ୍ରାନ୍ତ ଲୋକେ ନିଜ ଟେଷ୍ଟ ପାଇଁ,ହସ୍ପିଟାଲରେ ଭର୍ତ୍ତି ହୋଇ ଚିକିତ୍ସା ପାଇଁ ଯିବାପାଇଁ କେତେ ଅସୁବିଧା ଭୋଗୁଛନ୍ତି।ଏମିତିକି ପୋକ ମାଛି ଭଳି କରୋନାରେ ଲୋକେ ମଲାପରେ ତା ଶବ ମଶାଣୀକୁ ନେବାପାଇଁ ପରିବାର ଲୋକେ ଆମ୍ବୁଲାନ୍ସ ବା ଶେଷଯାତ୍ରା ଗାଡି ଭଡା ଦେବାକୁ ଟଙ୍କା ଯୋଗାଡ କରିପାରୁନାହାନ୍ତି।ତେଣୁ ସେଇ କରୋନା ଆକ୍ରାନ୍ତ ରୋଗୀମାନେ ଯେଉଁ ରାଜନୈତିକ ଦଳର ସମର୍ଥକ,ସେଇ ଦଳର କର୍ମକର୍ତ୍ତା ମାନେ ରୋଗୀ ବା ଶବଙ୍କୁ ବୋହିବା ପାଇଁ ଗାଡି ଯୋଗାଡ଼ କରନ୍ତେନି ?ଆରେ ଭବିଷ୍ୟତରେ ଭୋଟ ପାଇଁ ଏ ଭଲ କାମ ପ୍ରଚାର ପାଇଁ ବି କାମରେ ଆସନ୍ତା।"*
*ଦୀର୍ଘନିଶ୍ବାସ ନେଇ ନାରଣ ବାବୁ କହିଲେ,*
*-ଏଇନା କେଉଁ ନେତାଙ୍କୁ,ଦଳୀୟ କର୍ମକର୍ତ୍ତାଙ୍କୁ ରୋଗୀଙ୍କ ଘରକୁ ,ସାହାଯ୍ୟ କରିବାରେ ଦେଖୁଛ ?ଯିଏ ମଲା ସିଏ ଗଲା।ମୃତ୍ୟ ପାଇଁ ଗୋଟେ ଦଳ ଅନ୍ୟ ଦଳକୁ ଦୋଷ ଦେବ।ଆଉ ଆମ ନିର୍ଲଜ ଲୋକଙ୍କ ଆକାଉଣ୍ଟକୁ କିଛି ଯୋଜନା ଟଙ୍କା ଆସିଗଲେ ସବୁ ଭୁଲି ଯାଆନ୍ତି।ତେବେ ହଁ,କରୋନା ରୋଗୀ କେଉଁ ଦଳର ନୁହେଁ।*
➖➖➖➖➖➖➖➖➖➖➖
No comments:
Post a Comment